miércoles, 29 de junio de 2011
EN CATAMARÁN POLO SIL
A última parte da nosa viaxe foi unha ruta no catamarán polo río Sil. O embarcadoiro, o de Doade, no Concello de Sober.
Grazas ao noso condutor, Juan, podemos ensinarvos estas fotos. Descubrimos que é un gran afeccionado á fotografía e agasallounos xenerosamente cun montón de fermosas imaxes desta ruta. ¡UN MONTÓN DE GRAZAS! : )
Estas son algunhas delas:
Grazas ao noso condutor, Juan, podemos ensinarvos estas fotos. Descubrimos que é un gran afeccionado á fotografía e agasallounos xenerosamente cun montón de fermosas imaxes desta ruta. ¡UN MONTÓN DE GRAZAS! : )
Estas son algunhas delas:
lunes, 13 de junio de 2011
LEMOS, ILUSTRAMOS E ESCRIBIMOS
Hoxe dedicámoslle un tempo a Xoán Farias. Ao chegar entramos na Biblioteca e gardamos un minuto de silencio. Logo Rosana leunos un breve fragmento do libro "Desde o corazón da mazá". A continuación baixamos para a HORA DE LER. A nosa profe leu para os de 3º e para nós un capítulo do libro "Algúns nenos, tres cans e máis cousas" titulado 40 nenos e un can. Recomendámolo porque é moi bonito. Despois fixemos unha ilustración. Máis tarde subimos e lemos as frases que están no mural do corredor do 1º andar e xa entramos na aula de informática para facer comentarios no blog da Biblioteca.
E por último para que as nosas familias tamén se enteraran de todo, levamos un boletín informativo.
E por último para que as nosas familias tamén se enteraran de todo, levamos un boletín informativo.
domingo, 12 de junio de 2011
viernes, 10 de junio de 2011
SEMANA DO MEDIO AMBIENTE
BOSQUES:A NATUREZA AO SEU SERVIZO
Durante esta semana no noso colexio houbo unha exposición de libros na entrada da biblioteca e aproveitamos a HORA DE LER para informarnos sobre o tema. Miramos tamén en Internet e fixemos xogos moi divertidos. Pero o que máis nos gustou foi saír ao patio e coller pequenos acivros que corrían o risco de desaparecer. Estaban sobre todo debaixo dos castiñeiros e dunha abeleira. Os máis grandes levamos cada un o seu para plantar nunha maceta, no xardín ou no bosque máis cercano,e os máis pequeniños plantámolos nunha maceta grande que levaremos para fóra.
Visitamos tamén a maceira de Xoán Farias que plantamos en Outubro e sacamos unha foto.
Tivemos a "visita" no patio dunha DONICELA. Estaba ferida, pero Patricia levouna nunha caixiña á Sociedade Galega de Historia Natural para intentar salvarlle a vida. Tamén buscamos información en Internet e a profe explicounos varias cousas sobre este animaliño.
Etiquetas:
abeleira,
acivro,
donicela,
maceira,
medio ambiente
jueves, 2 de junio de 2011
EQUITACIÓN EN MANZANEDA
domingo, 29 de mayo de 2011
VIAXE A CABEZA DE MANZANEDA
Ola a todos e todas! Levabamos moito tempo sen dar novas, pero hoxeeeee. Hoxe temos que contarvos cousas. Acabamos de chegar da nosa excursión de Fin de curso. Estación de montaña de Cabeza de Manzaneda.
Esta é unha entrada rápida porque fáltannos fotos doutras cámaras. Cando teñamos todo preparado, faremos a reportaxe completa, pero de momento, como entrante, vede estas imaxes de Monforte de Lemos, e de Cabeza de Manzaneda. Faltan fotos de moitas actividades: piscina, cabalos..., tamén da viaxe en catamarán polo Sil. Xa chegarán. Prometémolo.
Esta é unha entrada rápida porque fáltannos fotos doutras cámaras. Cando teñamos todo preparado, faremos a reportaxe completa, pero de momento, como entrante, vede estas imaxes de Monforte de Lemos, e de Cabeza de Manzaneda. Faltan fotos de moitas actividades: piscina, cabalos..., tamén da viaxe en catamarán polo Sil. Xa chegarán. Prometémolo.
PASÁMOLO XENIAL!!
miércoles, 2 de marzo de 2011
NO ENTROIDO, MOITA DIVERSIÓN
Estes días non paramos! Agora estamos con traballos do Entroido. Temos O Meco na entrada do colexio dando ordes todos os días: o luns traer un colar, o martes o colar e unha flor, o mércores o colar, unha flor e un cinto adornado, o xoves un colar, unha flor, un cinto adornado e un sombreiro e para o venres mandaranos vir disfrazados e disfrazadas con cousas feitas na casa.
¡Pois si que é mandón! Se non cumprimos a orde enfaríñanos e iso non nos gusta nada.Así que todos os días a obedecer.
Entre todos escribimos o Testamento que imos ler antes de que o Meco vaia á fogueira.
¡Pois si que é mandón! Se non cumprimos a orde enfaríñanos e iso non nos gusta nada.Así que todos os días a obedecer.
Entre todos escribimos o Testamento que imos ler antes de que o Meco vaia á fogueira.
TESTAMENTO DE CUARTO
Hoxe,catro de Marzo,
festa de Entroido en Pazos,
antes de me queimar,
ídesme escoitar.
Aos de Infantil déixolles
unha campá tin tin.
Para Primeiro e Segundo
un canciño vagabundo.
A Terceiro e Cuarto
un cabalo barato.
Déixolles aos de Quinto
un coello dando un brinco.
Para os de Sexto, que se van,
déixolles mel con pan.
E agora moita atención:
Para Marta pequeniña
unha fermosa casiña.
A Dani, que non traballa
déixolle moita palla.
Para Elisa
unha caixa de pizza.
A Jose xoguetón
un gran balón.
Para Xana traballadora
unha lavadora.
A Rafa moreniño
un bonito libriño.
Para Michelle faladora
unha alfombra voadora.
A Lucía
déixolle a miña fotografía.
E por último para Feli
moitos bicos e unha peli.
VIVA O ENTROIDO!!
Tamén fixemos debuxos e sobre todo carautas en cartolina e tamén con pasta de papel. Quedaron moi chulas.
Aquí vos deixamos unhas fotos:
festa de Entroido en Pazos,
antes de me queimar,
ídesme escoitar.
Aos de Infantil déixolles
unha campá tin tin.
Para Primeiro e Segundo
un canciño vagabundo.
A Terceiro e Cuarto
un cabalo barato.
Déixolles aos de Quinto
un coello dando un brinco.
Para os de Sexto, que se van,
déixolles mel con pan.
E agora moita atención:
Para Marta pequeniña
unha fermosa casiña.
A Dani, que non traballa
déixolle moita palla.
Para Elisa
unha caixa de pizza.
A Jose xoguetón
un gran balón.
Para Xana traballadora
unha lavadora.
A Rafa moreniño
un bonito libriño.
Para Michelle faladora
unha alfombra voadora.
A Lucía
déixolle a miña fotografía.
E por último para Feli
moitos bicos e unha peli.
VIVA O ENTROIDO!!
Tamén fixemos debuxos e sobre todo carautas en cartolina e tamén con pasta de papel. Quedaron moi chulas.
Aquí vos deixamos unhas fotos:
viernes, 25 de febrero de 2011
E...ASÍ QUEDARON
Apurando porque se acerca o Entroido e espéranos moito choio, queremos ensinarvos como quedaron os traballos que fixemos por parellas nos teares.Foi unha actividade que nos gustou moito, aproveitabamos ata os recreos para tecer. Queremos volver a facer outra mantiña, pero máis grande e cada un a súa.
Esperamos que vos gusten.
lunes, 14 de febrero de 2011
O FRÍO NON NOS ENFRÍA. COMEZAMOS
Xa co novo ano empezado, queremos tamén nós empezar a traballar este curso no noso Blog, que xa vai sendo hora! Un día por outro... pero aquí estamos para contarvos algunhas das cousas que estamos a facer.
En primeiro lugar unha foto de presentación do noso grupo de 4º de Primaria. De esquerda a dereita Dani, Lucía, Elisa, Marta, Jose, Michelle, Xana e Rafa.
Chegou o frío e continúa, por iso decidimos facer estes bonecos de neve con plastilina sobre cartolina e penduralos no corredor. Aquí tedes o resultado:
E agora, cos teares que estaban sen utilizar no armario dende había tempo, a profe decidíu poñelos en uso. E para empezar, que mellor cousa que facer unha pequena mantiña de cores.
Cando rematemos xa vos ensinaremos como quedaron.
Suscribirse a:
Entradas (Atom)